Barutwana ba sekolo sa Meetse Tshehla nakong ya ge ba laelana le Dikeledi Lekoto pele a fofela Cuba.
MALESELA SELOKELA
WATERBERG:Le ge selete sa Waterberg se tšere maemo a mafelelo go dipoelo tše kaone tša ditlhahlobo tša marematlou, selete se se kgonne go tšweletša barutwana bao ba šomileng gabotse. Maloba ka Labone barutwana ba babedi go tšwa seleteng sa Waterberg ba ile ba fofišetšwa nageng ya Cuba go ya go ithutela bongaka ka ge ba tšweletše ka ditlhora dithutong tša bona tša marematlou.
Barutwana bao selete se ikgantšhang ka bona ke Dikeledi Lekoto go tšwa motseng wa Mabatlane woo o tsebegago ka leina la Vaalwater. Yena o tšweletše mphatong wa gagwe wa marematlou selokong sa DG Tsebe kua Mahwelereng. Yo mongwe wa barutwana bao keKegaugetšwe Sekgala go tšwa motseng wa Leyden kua Bakenberg. Yena o be a tsena sekolong seo se phagameng sa Nkube. Ditaba ka botlalo